ضحكة تخلي بلير يزعل على بوش - محمد الجلواح
ضحّكة تخَلي أعّقل الناس مرّبوش
روفي بحالي يا الغلا لو سمحتي
يا غادتي أقدر على مْجابه وحوش
لكن محال آجابهك لا ضحكتي
ضحّكة ومعاها بالدَلَع رفّة رموش
تذّهل عيون اللي حَياته ملكّتي
ما تنّشرى بين الخلايق بالقروش
الله كتبها يا غلاتي لك انتي
لو خيروني بقصْر بالماس منقوش
و ما بين ضحكاتك رجَحّتي و رجَحّتي
ضحّكة واحس الشهد بالقلّب مرشوش
زيدي عساك مْن الضحك ما وقفّتي
ضحّكة رقيقة مير تقدر على جيوش
إترَوّضين اقسى البشر لا همَسّتي
ضحّكة تخلي (بلير) يزعل على (بوش)
يعني (التحالف) ينتهي لا أمرّتي
زين الصبايا جنبك يصير مغشوش
أصل الحلا منّك و منْه انفردّتي
كن الحلا من قبل لا تجين مخشوش
لكن ظهر من يوم إنتي انّولدتي
(حلوة و تضّحك في غَنَج هزّت عروش)
كلما سترّتي من جمالك فضَحّتي