نوم عيني جزاها - محمد بن راشد المهنا النعيمي
الليل طال ونوم عيني جفاها
وعزي العين ٍ نقض الهجر داها
تسعين ليل ٍ حاربت لذة الكرى
وعشرين عام حاربت من نهاها
امست مع الذكرى على بارق ٍ سرى
باطراف غرى مدلهم ٍ سماها
اخيله من الدوحه جنوب ٍ مغرب
و شمال ٍ الى الجوان جوده غشاها
سالت به الوديان والصلب والوطى
والحجر ريضانه تعدت املاها
منازل بني عمي عشاير قبيلتي
لعل وبل الديم يروي ثراها
دار ٍ لها من سالف العصر ذمه
زبن اللهيف وريف ضيف ٍ لفاها
والى وزاها خير ٍ ضده النيا
حاديه من ضيم الليالي قساها
يلقى بها الا جواد فعل ٍ ومنسب
حمايلن تدرا القبايل زراها
حما يل ٍ شرع القبايل اسلومهم
عزاز النفوس اللي جزيل ٍ سخاها
رجالهم رمز الملازيم خير هل
الكار الا ول عادته مانساها
كريم ٍ الى زرته وفي ٍ الى انتزح
ويمناه لو تملك حدوج ٍ عطاها
لجواد هم لجواد لو قل وجدهم
والا جواد ماتحصي مثايل وفاها
كم قيل في الا جواد من سالف الثنا
فنيو ا اهلها والمعالم نراها
لجواد وصفو بندر ٍ وسط غبه
والا نذال ضيح ٍ مايذري ذراها
ولجواد ذخر الروح في حومة الوغى
ستر الفروع اللي عليهم رجاها
يفدون غالي الروح في شان كلمه
توفي بها بنت العشيره امراها
يالله يارب السما عالم الخفايا
منزل سبع ٍ وسبع ٍ بناها
يارب لا تكشف للاجواد غره
ولا تلحق الانذال غاية مناها