تعالي - محمد فهد الطريسي
لك الله ماحسبت حساب منهو بالحبل منقاد
بعصرٍ فيه ياوقت القشر..ياكثر صيحاتك
به الصالح..به الطالح...به الصاحي به الأوغاد
به اللي مايفيدك كانها زادت معاناتك
تعالي وأسعدي قلبٍ مسافاته وطن وأبعاد
لعينك..ياعيوني ..كفي اللومه وشرهاتك
أنا عيوني عقب غبتي عيوني عافت المرقاد
يقزيها من المرقد وهم حزنك وآهاتك
تعالي ..يانظر عيني تعالي والبيوت أجداد
دخيل الله تعالي وأطربي سمعي بنغماتك
أنا..لولاك..مالي بالوطن..ياشيختي مقعاد
تعالي وأسمعي نبض القصيد بهمسة أبياتك
أنا..لولاك..لوني..ساكنٍ..في وسط شهرزاد
ترى ماذوق لذات الزمن من دون لذاتك
ترى..لوني فقير الجيب يانبض العرق وش عاد
أنا.. معى..الزهاب اللي يبي يحقق لك مناتك
معي كل الغلا والحب والأشواق والأسعاد
معي قلبٍ ..ماينسى لو يطول الوقت حسناتك
هجوسي كثر ماجادن عليه والبيوت أجداد
تبي تقسم وتقسم ماتهل الدمع نظراتك!!