لمس الكفوف - ناصر بن حمد آل خليفة
الحقيقة ما على الدنيا عتب
لا تجاملني وأنا عيني تشوف
أبتعد ما بيك لا تبدي سبب
القصيدة تعشق إبداع الحروف
الحياة أحزان والغربة تعب
والليالي كلها دمعة وخوف
النظر يكفيك والخافي غضب
والشقا مكتوب مع وقتي يطوف
يا حبيبي : النار يشعلها حطب
لا تزيد الجرح ما عندي نكوف
من عطش بالحب من قلبي شرب
والموادع يحتري لمس الكفوف
كل من حبيت في حبه رسب
النتيجة تشكي أحوال الظروف
القلوب بوقتنا تهوي كذب
والصدق يموت من طعن السيوف
الحقيقة ما على الدنيا عتب
وكل منا في نظر عينه يشوف