يابو عيون سود - نايف العويمري
يابو عيون سود وخدود نجف
خل باقي الرسم خافي لايبين
في فؤاد لاتلومه لو زهف
يمكن ينادي عليك بكلمتين
غبت وارهقني التّوقع والاسف
ياغلاي النفس بعثرها الحنين
ضجة الاشجان والشوق استخف
في خفوق قبل ماعرفك رزين
في غيابك هم مع ضيق وتلف
غيبتك يومين بعشرات السنين
انتظرتك لين هاجوسي عصف
مبطي ماشفتك ولاادري رحت وين
ماعلى غيرك حسافه لاذلف
انت تسوى الناس عندي اجمعين
لايهددني فراقك واعترف
مابقى عندي من الخافي كنين
وش بقالي غير احبك من طرف
كيف ماادري.. مالك بقلبي وزين
وتبقى يافتان لاخر منعطف
من غرام فاق عشق العاشقين
ليتها تجيبك قوانين الصدف
واجتمع وياك ماغير الثنين
كل ابو دنياي تتحول ترف
كان حلميبك تحول لليقين