احيان - نورة الدوسري
احيان اجي وبداخلي شوق ابحكيه
احيان اجي وبخافقي شوق شلته
احيان اضيع كل معاني الغلا فيه
احيان ارتب بالحكي يوم شفته
احيان ياخذني شعوري ولا انهيه
احيان يغلبني الحكي يوم قلته
لكنّ دايم اسبق الشوق واهديه
عمرٍ قضى مشهود ما يوم خنته
والله لأجيه وما بقلبي اببديه
اخاف يهملني وانا تو طلته
توني اببدي به واثاريه يشكيه
وشلون لا صدق الوفا منه نلته
جيت وبديني صافي الحب بعطيه
لقيت شوقه سابقٍ شي خلته