فوق هذا الحب - نورة الدوسري
أحبك فوق هذا الحب كله
أحبك غير كل الناس والله
دخيل الله ناظر كيف عيني
تلم الشوق واجفوني تفله
عشانك بفتح القلب وتأكد
من اللي غير حبك يستحله
ومن أقصاي لين أدناي شفني
أنا كلي على بعضي أدلة
إذا قربت بالخطوات صوبي
يفز كل عضو فيني من محله
كأني من مزونك أرض تزهر
وحبك يروي القلب ويبله
تطل وكل ما حولك تلاشى
أشوف الناس في حضرتك قله
وكل دربٍ مشيته بك تعطر
كأن العطر من طيبك تهله
تصدق ماعرفت الحب قبلك
ولا غيرك وصل قلبي وتله
سؤالك يا حبيبي : هل أحبك ؟!
أكيد اللحين سهل انك تحله
"أحبك" حط هالكلمة ف بالك
وحبك مستحيل اني أمله
أمانه كيف ماتدري بأني
لجل حبك ابيع الكون كله