جرح ثرثار - نورة الدوسري

جاني بملامح شوق وبداخله نار
يخفي ورا فرحة لقانا عتابه

وجيته ألم الدمع في داخل ايطار
واكسر براويز الحزن عند بابه

اشتقت فعلا.. لكن الجرح ثرثار
واخاف من فكرة "بأنا انتشابه"

ما ودي اطري قصة العام وش صار
يكفي قضيت العمر دونه كآبه

ما قل في قلبي من الحب مقدار
بس الاكيد الشوق زاد ابغيابه

وآشوف في عينه تفاصيل تذكار
عيا ورغم البعد يمحي سرابه

يحكي سواليف الغياب وبالاعذار
جاني يرتبها بذوق و ذرابه

فجأة فِ بالي دارت اظنون وافكار
معقول يعني كنت سبة عذابه؟!

وبداخلي اسأل عيونه واحتار
ليه انتفارق دام شوقي التقى به؟؟

وادركت رغم البعد حبه لي أقدااار
وبوسط عينه شفت نفس الاجابه