يكفي زعل - إبراهيم الوافي
يكفي نغيب ونفتعل ..حزن الذنوبْ
لو القلوبْ .. اللي يبللها الدفا
واللي تعب منها الوفا
تقدر تتوبْ .. وتستكين
أدري نويتي ترحلين
لاتعرفين وتجهلين وننفعل
كافي زعل ..!
يادمعة عيون الفرحْ
من أول حروف السلام
لآخر أخبار الخصام
ميين انجرحْ
غير القلوب اللي تذوبْ
ياللي تعلمتي لحالكْ كيف أموت
ياللي تكلمني سكوت
جانا المسا وعدا نهارْ
ظلك بقى فوق الجدار
صوتك درب
واللي بقالي منك مايكفي أحبك فيهْ
أو أسألك عن نوع الذنوب
تصدقين ؟!
البارح اف عز الحنين
كل المواقف للهروب
الا الطريق اللي وقفنا فيه صدفه عابرة
يالذاكرة
جرحك كذوب
يكفي زعل
كل المواقف تشتعل
وابترحلينْ .. اما زعل واما هروبْ ..!