المعطف السادة - العنود عبدالله
يالله بنام الحين دام الليل
يصنع من أوجاعي لي وسادة
كل ليل أبكي وأحضن المنديل
ايلين ماصار البكي عادة
وكل ليل أطفي داخلي قنديل
وأعمل لذاك المشهد : إعادة
ياضحكتي ماعاد فيني حيل
باموت والأوجاع هدّاده
والأمنيات اللي عليّ تسيل
سالت عشان تجفّ ياسادة
والغايب اللي مع غيابه .. ويل
ويلبس هذاك المعطف السادة
قولوا له اني متعبة واشيل
فوق التعب .. طعناته زيادة
وقولوا له ان ذكراه والأوتيل
والباخرة وشموع اعياده
والأمسيان وضفّتين النيل
يبكون زي ماتبكي بلاده
والخافق اللي انولد فـ ابريل
لايموّته في عيد ميلاده
يالله بروح أموت قبل الليل
عفوًا بنام .. وإشش ياسادة !