حزن تشرين | العنود عبدالله

تِمِرّ بْصَدْريَ اسْرَاب الحِزِن وَ آتَمْتِم : وْ بَعْدينْ

وكلْ شيّ كتَبْته [ ليلَة وْداعَك ] يِمَرّ البَالْ

امُووت مْن التّعَبْ ويْمُوت فِينِي هَالّتعَبْ ياشَينْ

عَلَى هَالحَال مِنْ لِيلَة مِوَادَعْنا عَلَى هالحَالْ

انَا مِنْ طِينْ واحْلام السّعَاده كِلّها مِنْ طِينْ

تَهَدّم كِلّ مَاهبّت مِوَاجِعْ وِ الْتَحَفْتَك شَالْ

اشُوف الحِزْن فِ عْيون الصّبَاح وْطَلّة ال[ تِشْرينْ ]

وابعْثِرْني عَلَى مِينَا الجُروح وْ أسْمَعَك : يَامَالْ

وَاجِي بَبْكِي وِ لَكِنّي اذَا تْذكّرْت : لاَاتَبْكِينْ

اردّ الدّمْعَهِ لْعَيني واقُول : البَكْي للأطْفَالْ

فَمَان الله يَارَاحِل خِذ جْرُوحِي مَعَاك ايْلينْ

يِمَوّتها التّعَبْ بَرد الطّرِيق وْ قَسْوة التّرحَالْ

تذَكّرْني اذا طَاحَتْ مِنَ اغْصَان السّنِين سْنِينْ

تِذَكّرْني اذَا دَاعَبْ اصَابِع يدَّك [ السّلْسَالْ ]

تِذكّرْني اذَا بلّت [ بِتُوحَشْنِي ] حِزن شِيرينْ

و تِدْري بِيْ ولا غِيرَكْ ذِكَرْت فْ هَالعُمرْ رَجّالْ

انَا والله مِنْ لِيلَة وِفَاة احْلامَنَا للحِينْ

و انَا اقلّب تِفَاصِيلَك صِوَرك وْيختِنِق جوّال

واجي بَبْكي وِ لَكنّي اذا تْذَكّرتِ : لاتَبْكين

اردّ الدّمْعَه لْعِينِيْ وَاقُول : البَكْي للأطْفَالْ