حالة مذنب - بركات الشمري

تذكر ذنبه الغافي وعثراته وزلاته
تلفّت مالقى غير الظلام وسكة ٍ قفرا

تنهد مالقى هبة نسيم تريح سكاته
تعذب حالته حالة عدوك شينه وقشرا

ينادي من ينادي ؟ والظلام يكسّر اصواته
يناظر للطريق اللي توارى ويندب الحسرة

يعرف إن الذنوب أقسى من همومه وأهاته
وعرف إن الممات أقرب من الأهداب للنظرة

يسافر به عزا الذكرى على الماضي ولعناته
وجع من وين ماسافر إذا سافر مع الذكرى

قصر حبل الهروب اللي يشدة عن ألم ذاته
تعب من كثر ماينفض هموم ٍ باالحشا غبرة

يحاول يبتعد أكثر عن اللي كان قد فاته
يحاول يطوي الصفحة ويفتح صفحة ٍ عذرى

رجف قلبه على ماراح من ذنبه وميلاته
بكى ياطيب هالدمعة أخيراً طفّت الجمرة