متفرّقات أخرى - بركات الشمري
أنت يوم ٍ غبت أذّاني عليك
قلبي اللي صار من حبك أذاي
ياخي والله بـ ( ماي ) عيني مشتريك
ذا إذا باقى بعد بالعين مااي
**
وآنا أجمع
رماد الحب بيديني وانادي لك ولاتسمع
وانا من كثر ماأبكي الغيّاب
العين ماتدمع
وأظل أجمع
أماني اكثار وانثرها مواجع بس لعيونك
واجيك بقلب مايسوى يعيش الوقت ذا
دونك
ولاتحتار
دامنّي " الموقع تحت "
" مجنونك "
**
المسا آفه
بدونك
وآه ياطول المسافه
إنكساره
لو تبي قول إندثاره
حزن أسود
من يمينه من يساره
آه والمسكين قلبه
في وهم هم الزمان
ينتظر قلب ٍ يجي ياخذ بثاره
طاح حلم ٍ كان يبنيه ف خياله
عزتي له
حالته ياخوك حاله
لاتلومه
ضاع منه راس ماله
وش كثر يتعب وهو شايل ف قلبه
ضيم أصعب
مثل طفل ٍ فارق امه
من يضمه ؟
من الشتات منهو يلمه ؟
من يعزي ميت ٍ في ثوب حي
إنزوى باقصى الظلام
ينتظر للنور ضي
أسمعه يصرخ :
أنا من وين أمشي
والسهر نايم برمشي
مسكين
ماأقسى لحظات انكساره
كل هذا
وراح يبحث ف الليالي عن
**
لاعاد تنشدني على وين رايح
رايح أسابق خطوتي وانطح الريح
وإن شفتني عند الهواجيس طايح
إطيح من عيني إذا جنبي إطيح
**
الأمل والشوق والورد ورحيقة
والهوى والود والحب وشذاه
كلهم قالوا قبل ترحل دقيقة
خذ معاك " الشمري " وخذنا معاه