صابني مثل السكوت - خالد الردادي

صابني مثل السكوت المزعج المحرج كلام
اتنفس ابي احكي أنكسر ماقلت شي

ابلع البث المباشر العن لحافي ونام
افتح جفوني على باكر وباكر هي هي

ادخل الشارع وتخنقني فراغات الزحام
ارجع لحالي وياويلي من لحالي علي

بيني وبين القصيده والمدينه و النظام
صرت اشك بكل شي وكل شي يشك في

انكساري عار عار عار في وجه الظلام
ماخمد نصفي رماد وباقي من العود حي

هذا انا المشعول من لون السكوت ارسم كلام
أتسامى ابي اكتب انطفي ماقلت ضي