سلمى - خالد الردادي
ياسنا مارج نفذ ضوه قبل مالنار تحما
لاينطفي ضوك قبل لاتنقسم الف انقسامي
بسمك اللهم صلي على الرسول وبعد اما:
ياسنا المارج سنا المارج سنا المارج سلامي
يامارج الشعر بسماي اللي عرج للسمع يرما
ماينزل الا مع رماد نيزكه مشهاب حامي
يامارج الشعر السكون ارسم صداه وكفي اعمى
والجمر يبرد مالمس ظل اللهب وسط الظلامي
قلت لي وش معنى سلمى قلت اسم احلى مسمى
قلت وش معنى اسم سلمى قلت لك اسما الاسامي
سلمى سل (ماس) تسما باسمها عن كل الاسما
سلمى سلم لي على اسم ساكن مسمى سلامي
سلمى سل من بسمها سما السما
سلمى يسما من تسما بسمها عن كل سامي
سلمى اسم بـ ( بسملة ) من بسم رب الناس سما
الف لام ميم سين حروف بعثرها نظامي
من ضماه ليارويته كل ماروى منّه اضما
بين ضامي منه راوي وبين راوي منه ضامي
مهما احاول مااهمه لو احاول فيه مهما
اهمله واهتم مهمل فيه ويزيد اهتمامي
كيف يدما لين يبرا جرح يبرا قبل يدما
جرح يدمي جرح باري وجرح يبري جرح دامي
ياسنا المارج اذا المارج سنا قام يتوما
سلمى سلمى سلمى سلمى سلمى سلمى والسلامي