كافرة عينك - سليمان المانع
كافرة عينك وأنا عابد نظر
تسجد أشعاري لغفران العيون
طرفك العابث إلى منه خدر
الجمال بجملة الدنيا يكون
لمستك .. صوتك .. وأمواج الشعر
ذوبوا روحي عذابات ولحون
وبرقعك هذا .. وحزني والسفر
كلهم ميعاد لحظات الجنون
وحسنك الطاغي وردفك والنثر
ولاهب البسمة .. وهمسات الجفون
أحروقني للهوى شعر وخبر
يلهم العشّاق تفسير الشجون
ياقدر صدفة .. وياصدفة قدر
إنخلق وردك لهالكون الحنون
أطلق الصرخة بلا خوف وحذر
كل هالدنيا بعد عينك تهون !