يالذاهبه - شايع العيافي
يالذاهبه طيحت عزيز من القوم
حرام ماتلبق عليه الشماته
سمي علي قبل اعتكف واهجر النوم
واضحك من المبلي واسوي سواته
قلت آتمنع منك واستبعد الحوم
واثر الهوى ميعاد شاقر عصاته
أجيلك من البعد معطى ومحروم
وانثر لك من الود سكر نباته
البارحه كني ولاكني اليوم
الا بعد والصبح يبرم رحاته
ان قمت كني نابي الضلع مزموم
وان طحت كني كسرة من حصاته
ياهيه ياحي بك الود ملزوم
اخذ الخبر عني وزبن وصاته
قدرك على راسي وطاريك محشوم
يرسي مثل سودة عسير وسراته
ايوالله انك غير وعلومك علوم
واني كبير الدار واوثق ثقاته
لولا ثلاث ليال مانيب مليوم
ييبس عليك الريق واجرح لهاته
وآخذ واسجم وابني حلوم وحلوم
وانوخك بين النظير وعباته
أقنع بأن الامر ماهوب محسوم
واستفتي الهاجس وأصلي صلاته
اما وطيت اللوم واصبحت مليوم
واقبل علي الفقر واقفت غناته
ولا طلعت بخزنة الفرس والروم
جابر عزاي وجمع الله شتاته
ياسيدي وكرك تجلا عن البوم
الا نداوي تدمي شباته
كنه على داعيك ينساق منجوم
يصخر لك من الفكر لذة سباته
والله فلاني فاقد العطف مفطوم
الا عليك السيل يتبع نحاته
انشهد اني طحت يا أيها القوم
اما بها ولا علي الشماته