يا بندر - شايع العيافي
الله واكبر غدتبي طعنة الغادر وانا ما دريت
ليت الليالي جفتني قبل اسايرها على مابها
يابندرالله يعزك مانت داري وش ورى كل بيت
روح جمعها "ردي الحظ" مع روح تلهوابها
تفتقت واستباح الود ساترها وانا ماشكيت
كن الجراد التهامي يوم امد الصبر يرعابها
وآصوته اللي على سمعي يذكرني وانا مانسيت
الفتنه اللي من حروفه حمام الورق غنابها
الناسك اللي بصط سجادته في نجد عقب " الكويت"
حطيت له فالحشا روضه "وطهرها وصلابها"
نوخت له من غلا قدره وشلت من الغلا وابتليت
اثر البلاوي يصد المبتلي مهله ويبلابها
انا قتيل الغرام وقصتي ياهل الهوى " كيت كيت "
الذنب ذنبه وروحي عاش قاتلها وطلابها
وليت ياقلبي المبلي وش اللي صار فيك وهويت
سموك مجنون ليلى "واهل مكه تعرف شعابها "
عرضتني ساقة المقفي...وجبت اقصاي له .." كمبليت "
اخذ وادنق على خدٍ ليان العود ياطابها
اليا اظلم الليل جابتني سوالفه القديمه وجيت
عينٍ تكفن نواظرهاوعينٍ تكوي اهدابها
لاوالله الا فقدت العز "يابندر" وطحت وهفيت
لو ان ربعي يصاغ القدر للحاها ولشنابها
يا نصرة الحق مروا به وقولوا فالهوى وش نويت
ترا الحبايب على لاماك يامابك ويامابها
وان كان هل الهلال اللي بعد في غربتك مالفيت
"سلم على الروح" .. "و الله لايبيحك" كانك اسبابها