الحمايا - شايع العيافي
ادركوني والوله قطاع ساقه
والعيون السود مضميت الحنايا
يابني لب العقول اهل الأناقه
مابقى لي حي تاخذه الحمايا
كل مالديت باطراف الرفاقه
علقت عيني بمشقين السبايا
عار ياروس العرب قيد الحماقه
الجروح من القصى قدها طنايا
دوروا "مشهور" في ذمة دقاقه
من بنات الغي وضّاح الثنايا
صبحت الغره مزلزلت اللباقه
كنها تجلب على اللثم الشفايا
تبتسم واقول يابعد الشقاقه
بشروا بالعيد بياع الضحايا
واثرها تطوي لبو غره فراقه
لين حل البعد وانكرت النوايا
ياليال البين والطاري سراقه
والضلوع الحدب من همه عرايا
لانتحت واقفت نسانيسك طلاقه
والتوت بديار حامين السرايا
"وادي" ترعاه لاربع نياقه
وان سكنه الوقت يابعد النحايا
تستكن شوي ويذعذع عباقه
من عبق صفوت غنادير الصبايا
ابلج كن الترف يصنع لساقه
من حرير الخام لا لبس الحذايا
وان تعجرف راح سيد القوم عاقه
كنه اليا أقفى يقريه التحايا
فيه من نفث العقد سر وعلاقه
ولادريت تعذربه والا مزايا
ياجماعه كف!! لو كف الحلاقه
يقنع المسحور من عذب السجايا
عبرة المحروم تذرف من غلاقه
فرحة الأقصين وأهمال الدنايا
شرهتي والأسم في عرض البطاقه
ياقحطان اهل الوفا واهل الحمايا