يا وزين الروح - شايع العيافي
على باب الكريم اساله الغفران واساله
عيون كل مالدت علي تروح ممتنه
بعض ربعي وخلاني وخصم ساق معداله
ويبّاس الشدوق اللي على ذكري بها لنّه
يارب اليا نشب حظي بمخراجه ومدخاله
عساك تعوضني عفوك وميراد على الجنه
انا عبدك ولاغيرك يظل المسلم ظلاله
الى حميت لواهيب السموم وفاحت الكنه
سريت البارحه والقلب كن الجمر في جاله
مقل من العزا وهموم صدري جات مستنه
عليك الله واكبر واحد في القلب بلحاله
يعاتبني وانا لو اختلف مايختلف ظنه
عسفت الروح لعيونه وحطتني على باله
شراني واشتريته والفضل لله والمنه
تموت اهل الحسد حسره على يمناه وشماله
وانا في صدره اعاتب قصير الليل واكنه
خذيته والنهايب للهوى خيله وخيّاله
سبيته .... من مناهيل الغرام..؟ وجن يتلنّه
بعدها ياوزين الروح أخذ من قلبي رساله
علي رفقه ...ماغيرك..!! وانت راس المال والعنه
فداك البيض... والا جعل مالي فالعرب طاله
كلامي من لساني..!! واترك الأدغام والغنه
عباد بالحكي قصت دروب ابليس وعياله
على سيرة غلاك حلوقهم... تقرع كما الشنه
حشا لله ماغيرك يفز القلب لأقباله
علي قدرك كتبته فرض والحقته من السنه
ياخبل اللي يقول ان الهوى في نجد مدهاله
وانا اللي شفت بعيوني ثراه وذبت في فنه
لو انه طالع منها بفال العز وعقاله
تبدل فيه..!! والونه عليه تجاذب الونه
هذاك اليا ذكرته راح كل الليل يبراله
عسى بيض البني قبل آتبدل فيه يفدنه
ابيه يشوفني يوم انثني لرضاه... واساله
عيونه كل مالدت علي تروح ممتنه