ألم ترا - شايع العيافي

ليلي اللي يطرق الملثم ويسريبي سواده
كل ما مديت رجلي للسعه ضاقت دروبه

كنه يثنّي على من الوزا مبهم قياده
من مغيب الشمس لين الصبح يشلح منه ثوبه

وان طرحت النوم في عيني وخميت الوساده
ارتحل قلبي خطا عمري ولحقتني ذنوبه

والله اني ماومنت الحب "ياصحاب السياده"
فتنة الدنيا اللعوب..!! وضحكة الغدر الكذوبه

لين غرر بي غزير الجم واشفيت لبراده
منهلٍ للسحرفي قلبي وفي عيني "ضروبه"

يبست عروقي عليه من الضما وانزاح ماده
آتنوش حبله القاصر وتضحك لي غروبه

يطمع المبلي مع اهل الغدر..من جهل وبلاده
لين تلويبه ليال البين ويشوف العقوبه

الهجاد اتلا صباحه والصباح اتلا هجاده
والمدامع كنها من لوعة الروح محلوبه

دار من كاس الطلا سقمه وذوقني بعاده
يا مدير الراح كاسه "دوب ناش الروح دوبه"

قد حديت العيس غافل لين قادتني لواده
من هنا حتى هنا " وألم ترا " نوبه ونوبه

راحت الدنيا وقفى كل حيٍ في مراده
علموه اليا حداكم نازح المطراش صوبه

كان دمعه فاض من عينه ..وهون من عناده
خصكم عن حال "شايع" ويش سوا واخبروبه

علموه اني مودٍ مانسى ملحه وزاده
لو تغير من صخاه لعاشقه ...واخلف سلوبه

للشرف عهدٍ عهيد .. وللهوى ناقل شهاده
ان قلبي منزلٍ له من شماله لاجنوبه

وبشروه اني لبيس الذل ...مسلوب الاراده
لو انا من حجة التاريخ واركان العروبه

طاح من عيني جبلها ..!! والنظر لبسه حداده
والذهب حتى الوجيه السود باعوه وشروبه

انتكس نجم النجوم ..* وصار عرقٍ للكداده
والثرى فوقه بنا .. نصب" الوفا " طوبه وطوبه

هزني .. سحر البيان .. وجبت للشعر اعتداده
لو رعاة الضان طافوا به من الزود وسعوا به

امس من عرض الزمان وخصني بجروح غاده
"احمدالله واشكره" والظلم لهل الظلم "حوبه"

الوفا فيني جبله... والغلا للحب عاده
لو يهب الغدر معصاره .. وتلفحني هبوبه!!!