كل يوم وكل ليله - شايع العيافي
استعذنا منك ياشيطان بالمولى تعالى
كل ليل وكل يوم... وكل يوم وكل ليله
منك واشباهك ليا غبنا وخلق الله تمالا
واستوت لأحقادهم في غيبتي قاله وقيله
يالله اني في حجاك ان جاء لهم فيني مجالا
انك تعدي بعرضي قبل لايفرا شليله
البلا كل البلا والموت من جهل الجهالا
عالم لاشافت المنحي تعايد في سبيله
ياجنابي... يحفظ الله قدري اللي لايزالا
في عيون ادنى الربوع وفي عيون اقصى قبيله
كل ماراحت علي رفقة بعض ناسي وبالا
سقت سمحات الركاب وجات للفرقا وسيله
خير من قدح الزناد وخير من لطم العيالا
مشبر من فوق الأرض يداوي الكبد العليله
دامهم حمل الكتوف ودامني ستر الخمالا
واحد مثلي حرام يلحّق الحمى مليله
ياوجودي والهضايم من بعض ناسي تتالا
وجد من قفوا كبار القوم بركابه وخيله
الوسيمه بالخطا والجرح عيا ماتشالا
دمي خضاب الكفوف ودمهم نفس الفصيله
القلوب اللي على صكت ليالينا زمالا
ماتقطعني طريق ولا تكسبني جميله
العوض وانشهد ان ماهوب في دمع الثكالا
لاتقاسمنا الحمول ولوحت شقرا الجديله
العوض في روزنا اللي مثل تلعات الجبالا
والنبا والذكر والذكرى.. وبعد من الفشيله
وعمرنا اللي فات لو حالت لياله واستحالا
والله ان العز يسوينا.... وحنا نستويله
قسمنا البيضاء على روس الطويل من الجبالا
وروسنا ماغير خلاقٍ خلقنا تنحني له
يالله انك لاتخليني على درب الظلالا
مايغفر الا انت والتوبه.... لراعيها فضيله