مرثيّة - ضيدان بن قضعان

لـ المرحوم حسن بن مانع بن رحيان

ياونتي يوم قالو مات ابو ماجد
ونت قصّير على أغلى واطيب اخواني

انشهد انه هجدني البارحه هاجد
علمِ هجدني على الغرات وابكاني

العلم جاني وانا فدبي متواجد
وبغيت أهلل واكبر غار ما امداني

كبدي بجدها من سيوف الحزن باجد
صبح الشؤيفات صبحني ومساني

واكبدي اللي عليها الحزن متراجد
وجعه محرم وذو الحجه وشعباني

مرحوم ياللي يجود بكل ماياجد
وابرك لياليه لاجا البيت ضيفاني

ترحبيته تستبقها ضحكه الناجد
ومرات كفه لوجه الله سفطاني

الدّين المستقيم الراكع الساجد
كريم وجه وكريم يمين ولساني

ياموت يوم الهواشم جمعهم واجد
ماخذت غير ابو ماجد واحدٍ ثاني!

يالله تجبر عزانا عقب ابو ماجد
وبرحمتك ترحمه ياخير رحماني