أنفاس - عبدالله الكايد
تعبت (افكر) في حياتي مع الناس
وتعبت اعيش بـ (عقل غيري) حياتي
جلاّس بـ عيوني وب بالبال ... جلاس
اشوفهم .. (متجمّعين)،بـ (شتاتي)
اغيب عنهم ياس ..وارجع لهم ..ياس
منهم ..ومن نفسي..ومن أمنياتي
أنفاس يارب اختنق عبدك انفاس
لو "آه" امرّرها حديث بـ سكاتي
تعبت "اوسوس حب"و "الكره وسواس"
في بال ..من في بالهم ذكرياتي
تعبت اردد كل ما طحت..لا باس
من عينهم لـ ابعد "سما" في صلاتي!
تعبت "اطيع الليل"وآنا"ولد ناس"
واحرم عيوني .. حلم لذة مباتي
تعبت اغنّي (الصمت) و(الجرح) و(الكاس)
تعبت .. اعيش "احساسهم" بـ اغنياتي
"احساس"..؟!كلمة قاسية ما بها احساس!
ما تزهر بـ صدري ولا في شفاتي..
كتبتها .. ماهو عشاني بها (حاس)...؟!
إلا .. عشان اكسر عليها عصاتي..!
سهلة...أكون (انسان أكثر) من الناس..
صعبة...أعيشب(عقل غيري) حياتي!