تأدية واجب .. وبس ! - عبدالله الملحم
أوّل اليَا غبت عنّي كان يكفيني سؤال
لين حسّيت بسؤالك [ تأدية واجب ] وبَس !!
لا تأدي واجباتك يقطع الله هالوصال
الهوا ذوّب خفوقي .. وانت خفّاقك يبَس
وين شوقٍ لي واعَرفه .. صافيٍ عذبٍ زلال
ما قويت احبس ظنوني كان دمعي احتبَس
وماقويت امسك بحبلٍ فيه تجرح بالعدال
بقطعه مادام قلبي في عهودك التبَس
الله اكبر .. صار يعلى صوتك بوقت الجدال
وانت همسك كان يلغي همٍ بصدري كِبَس
أنتبه لك في منامي .. وافزع ابحث عن مجال
مير مالك عذر يسوى هالظلام اللي عَبَس
وكان تحسبني جديدٍ ف الهوا .. يابن الحلال
الهوى ثوبٍ وقلبي كل خاماته لبَس
إبتعد يرحم وريدك ما أبي منّك سؤال
دامك بدرب المحبّة خالطٍ "عمَّ بعَبَس"