لولا غيابك - عبدالله بن عبدالعزيز العلوي
لولا غيابك يا هوى النفس ماضاق
صدري ولا بانت بنظراتي الشوق
لي قلب مثلك واسهر الليل وأشتاق
غيرك فلا والله تمنيت مخلوق
بيني وبينك خطوة الرجل تنعاق
حسبي على اللي صار من بيننا عوق
اجرح وقلبي لك على الطول ينساق
رمشك ملكني ساقني للهوى سوق
كمل جمالك والي العرش باخلاق
حتى الجروح اللي تجي منك له ذوق
كيف انتهت ذيك المشاوير بفراق
العام الأول كانت أحلامنا فوق