حاولت اعزي - عبدالله بن عبدالعزيز العلوي
حاولت أعزي مثل غيري من الناس
لقيت نفسي أستحق العزاء فيه
يا موت مالك قلب ماعندك إحساس
ما شفت حال اللي فقد شوف غاليه
يا موت ما ترحم طوى حالي الياس
قلبي جريحٍ ما لقى من يواسيه
يا موت لو تشرب من الهم لو كاس
ترحم وحيدٍ هم قلبه يباريه
قالوا مقدر قلت يا ناس لا باس
أصبر وهمي في حشا القلب مخفيه
أمرٍ قضاه الله على العين و الراس
خلوني أنسا لا تجيبون طاريه