راجع تبي قلبي - عبدالله بن عبدالعزيز العلوي
راجع تبي قلبي عقب ماتندمت
راجع تبي قلبي على خبرك العام
العام انادي ياهوى البال وين انت
واليوم حبك ينتظر حكم الإعدام
على الجفاء من طول صبري تعلمت
والجرح في قلبي تداويه الأيام
خلك بدربك لو مشيت وتعثرت
مسكين ياباني قصورك بالأحلام
مجبور أبيعك لو بكيت وتأثرت
وش حيلتي حظي تردى ولاقام
ما عاد لي بالحب مثلك تغيرت
يا زين حبك ينتظر حكم الإعدام