معقول - عبدالله ذويبان
هالحين لي يومين لا أكل و لا أنام
من قلب ما ينبض و تفكير مشلول
أرسم على الأحلام و تعوٌد أوهام
و أحاول أجلي هم و يصير مدبول
أطبق أركان الشريعه و الأسلام
و أقول: (مايكتب لي الرب مقبول)
والا أنت لا مريت في روس الأقلام
أشق لك صدري من العرض و الطول
و أستقبلك مثل البشاير للألام
و أرسمك قدامي من الورد وأقول:
يكفيك بصمة قلب عن بصمة أبهام
للحين ما حسيت بالشوق معقول!؟
يا اكبر غلا و أجمل طموحات و احلام
يا أصدق وعد و اصعب نهايات و حلول
زهمتني و الشوق و الحب قدام
أسأل خفوقك ليه جيته على طول؟
جيته لان الحظ لا طاح ما قام
و أنت امنية من قام حظه على أصول
يعني أنا لو أسبق الريح ما انلام
و اللوم ما ينفع معه حلم مقتول
يا سيدي و ضلوع صدري لك خيام
و الروح و التفكير و الصبر لحول
أبك أنت قاسمني يجي خمسة اقسام
حتى السنه صارت بعد خمسة فصول
اقول لامني لقيتك كذا عام
مرت على قلبي وهو شبه مفصول
و اليوم أنا لك و المشاعر و الايام
هذا أعترافي و انت قل لي وش تقول؟
أسمك و رقمك غير الاسما و الارقام
و أحساسك الاعذب معي صار مشغول
الارض تقطعها مسافات الأقدام
لو فوق الأرض جبال و تلال و حمول
و لو يمسح الدمعات منديل الأيتام
مسحت قلبي بأقرب أنسان مجمول
و لكن الصدفه! من اعوام لأعوام
ياما تضم قلوب و تفرٌق عقول
فأن شفت باب القلب مقفول بأحكام
تراك فيه و فعلاً الباب مقفول
أبعشقك و اهواك حتى لو انضام
خطاي و أستاهل و انا عنه مسؤول