تضاريس الحزن - عبدالله ذويبان

كل الحلول الممكنه صارت على يدك محال
كل الجدال المُفتعل دايم على لسانك يطول

وانا ادري انك ما تثق فيني و لكن لي سؤال:
ابسئلك متى تثق فيني ؟؟متى شكك يزول؟

ياسيدي ياأغلى طموحاتي بلا شك و جدال
يا أرق و الطف من جعلني عايش بوقتي ذهول

يا أسرع من احلام المنام أبعد من احلام الخيال
يا أصدق تباشير المطر يا خلطة الاربع فصول

يا أوفى مواعيد الزمن ياأسرع وسيلة أنتقال
على تضاريس الحزن نقطع مسافاتً تطول

أشوف غيرك لي حرام و مثلك لمثلي حلال
و أشوفك اطهر من تمخطر داخل عروقي يجول

من دون غيرك تنتزع مني الرعايه و الدلال
كل أنتصاراتك بصدري تخزي العين و تهول

و مع كل نصراً تحرزه صاحت لك عروقي تعال
تعال كسر ما بقى فيني لو اغصاني ذبول

تعال جرحني ترى صدري غداا ساحة قتال
تعال أبدفع للحزن زكاة عمري كل حول

تعال لك عندي مكان و باقي لموتي مجال
تعال و انزع ما بقى ماني من أفعالك جفول

تعال و أرسمني فرح زايل عن وجيه الليال
لكن انا عندي طلب أجرح و لكن بالأصول؟!

أكذب علٌي و حبني حتى ولو حب أحتيال
و أقسى علٌي و ضمني مابين الاضلاع النحول

أبشع جريمه للبشر كانت جريمة الأغتيال
و اغتلتني يوم أبتعادك و السبب حب الفضول

دام الثقه عندك محال الحب عندك له زوال
وانا هويتك و أنتبه و أسمع وانا صادق ب أقول:

تبيني أنسى عشرتك يا سيدي ؟ هذا محال
اما تثق او نفترق هذي ترى كل الحلول