مهاجر - عبدالله عطية الزهراني
كنت مجبور ألتحف صمتي واسافر عن مكاني
اترك احلامي وغاياتي وخلاّني واسافر
اركب اوّل موج ياخذني ولا اسأل عن مواني
وين ترحل بي رياح الدهر تلقاني مهاجر
شايل ن في جوفي اشعار واناشيد واغاني
وشايل ن في جعبتي حبر وقراطيس ودفاتر
كم سألني الموج وين ارميك يا نكبة زماني؟
قلت خذني وين ما ودك مثل كل البواخر
يا بحر والنفس زايد قدرها مهما تعاني
ما تشوف الدمّ ينزف من شراييني واكابر؟
يا بحر في وجنة المينا رسمت اغلى اماني
اسألك يابحرقلي من محى ذيك المشاعر؟
جيت ادوّرها مسا البارح لقيت اثار ثاني
واحد ن غيري شطب شعري وهو ما هوب شاعر
كنت اظن الخط يبقى رغم دورات الثواني
مادريت ان الزمن ينسى ملا مح من يغادر