نمنا جايعين - عبدالله عطية الزهراني
لا تسولف كثرة الحكي ماتملي البطون
كم تعشّينا السوالف ونمنا جايعين؟
كم توقّعنا نتايج وجت عكس الظنون
وانصدمنا بالحقيقه وبالعلم اليقين
يوم رحنا نتبع القلب في لحظة جنون
ولّعت فينا المشاعر وصرنا عاشقين
انثنينا للمودّه وجازتنا الطعون
واختتمنا الود يا ودّ بالجرح المكين
ان شكينا ما لقينا بهالعالم حنون
يطلق ايد اللي تعذّب من القيد اللعين
وان بغينا نكتم السرّ خانتنا العيون
وانكشفنا وانفضحنا وحنّا سا كتين
ترتسم كل الخوافي على حدّ الجفون
لا طرى الطاري علينا وطاحت دمعتين
لا تسولف اكثر الناس ما يستاهلون
لا تساهم في سعادة قلوب الشامتين
اعتبر شوقك علامه لطغيان الشجون
واعتبر نفسك ضحية خيانات السنين
ولا تحمّل نفسك الهمّ يالترف الفتون
لأجل دنيا ما يساوي ثمنها درهمين
لا تسولف للخلايق ترى ما يدعمون
موقفك يا مرخص العمر يا صفر اليدين