الأحزاب - عبدالله عطية الزهراني

انا اخطيت الطريق وما سلكت المسلك المعتاد
ولا ريّحت نفسي من عذاب الحب والغربه

انا سلّمت نفسي للعصا للسجن للجلاد
فشلت (ف) كل رغبه ما نجحت الاّ ( ف) هالرغبه

وطيت ارض الغرام وقلت أبتسلّى ولا بعتاد
ولكن اوّل انسان (ن) صدفته طحت في حبه

عشقته لين ذاب الجسم ليت العشق ما يزداد
اخاف العشق لو يزداد يصرعني على دربه

احبه ليت حبّي له توفّى ساعة الميلاد
لو ان الحب مات (ارتحت في بعده وفي قربه)

احبه حب (ن) اعمى ما تسير خطاه لو ينقاد
احبه لكن اللقيا محال وهذي النكبه

احبه والعوايق دوننا والحظ والحساد
ثلاث احزاب تاقف دوننا واوضاعنا صعبه

اموت من العطش والغيث من حولي وحوله جاد
ولامن قمت ابشرب ينشف المغراف والقربه

كبرنا والغلا لازال فينا والجروح جداد
نشيب وما يشيب الحب فينا اه والنشبه

تعب جرحي يطالع ساعته يترقّب الميعاد
تعب قلبي من الوقفه على بابي يبي قلبه

انا اخبرت الطيور ان الحبيب المبتعد ماعاد
وساد الحزن بأعماق الطيور ولا كلت حبّه

تشوف المغترب لو مااغترب ما تحتويه بلاد
حياة المغترب حبّ وفراق وهذي الغربه