مقاطع غير محترمة - عبدالمجيد الزهراني
تهنئة
أصدق عبارة للفقير بهالبلد:
مبروك ( ما ) جالك ولد!
***
مقطع ( صوتي )
سأل الشاعر :
هذا صوت الشعب " يثور "؟
ردّالشعب :
هذا صوتك بس " ي ثور" !!
***
باللهجة
***
قالت باللهجة المصرية:
" انتا مزعّل روحك ليه
دا العالم كلو رضيان"؟
رديت بماباقي فيّه :
انا مو زعلان
انا زعلان!!
المثل قال
***
الضرب في الميّت ( حلال ) !!
***
نظرية
( الجبن ) :
فطور مواطن !
***
كفاءة
قرار نظامي :
ترقية مسؤول
إلى رتبة حرامي !
***
وقت
الساعه مو ( صنقل )
أو عقربين تفرّ
الساعه :
عمر يمرّ
***
مفارقة
والله شي تافه وناقص
ناس تهتزّ اف زلازل
وناس تهتزّ اف مراقص !
***
بيان
التاريخ :
_ أرقام
_ أسماء
_ بطيخ !
***
فلسفة
وحدي ولا عندي جديد
أنا دخيلك : أصّ
ياصاحبي ماني وحيد
أنا وحيد ونُص !
***
معلّقة
العرق :
سالفة جبين !
***
يقظة
اصح من نومك
وعش يومك
وجفنك فيّقه
وشهو الحلم الوسيع
وسط غرفة ضيّقه ؟!!
***
مؤتمر
قبل تبدا مؤتمر قمّة سلام
حُط كم قاروره مويه
حُط كم منديل فاين
وايّ مشروع او كلام
جهّز الصالة
وكم كرسي
وكم واحد ينام !
***
دولة
حُط فقر
حُط جوع
حُط كم شاشة غبيّة
حُط اغاني تافهه
لأحلى صبيّة
حُط : ترشيح اغلبيّة
تلقى دولة عربيّة !
***
نادي
حُط مجموعة كتب
حُط قاعة
حُط كلمة ( ربما )
أو
( حيثما )
أو
( ريثما )
حُط نظّارة لكم واحد غبي !
تلقى: نادي ادبي !!
***
زبون
نعم ياقهوجي عجّل
ترى مافي جيوبي قرش
هات اللّي ابي وسجّل
أبي شاهي مهو ف برّاد
أبي في كاس
وابي واحد حجر ( مخلوط ) مثل الناس !
***
اصدار
مقاله سخيفة
خبر كاذب
حوار غبي
اعلان عن أحذية جديدة
يالله نصدر جريدة !
***
مفقودات
يعلن احمد عن ضياع ابنه رقم ( 7 ) بتاريخ 12 / 5 !
***
ايديلوجيا
لازم تصدّق كلّ الجرايد
كلّ الأخبار
من غير ماتسأل :
كيف ؟
ليه ؟
وش صار ؟
بالعربي :
كن حمار!