عفرى - عبدالمحسن بن سعيد
عفرى تقول مضايقتها الجدايل
قولوا لعفرى لاتقص الجديله
والنظره اللي راح فيها قبايل
هذا وهي طرقة غطاها ثقيله
وإلا ثغرها مكنز ٍ للهوايل
مايلحق يرد الشهاده قتيله
تجلس ونلقا عن قمرنا بدايل
تاقف ويكره كل خل ٍ خليله
عفرى وترتج الكبار الثقايل
والنور يرجع للسراب ويشيله
عفرى وتبرد وجنتين القوايل
والجدب يرضع شفتين المخيله
عفرى وتبدي من دلعها خصايل
ورد ٍ جمع قطر الندى في شليله
عفرى واشوف الفجر راح يتمايل
والليل راح بسكرته يرتكيله
عفرى واشوف طويق ذايب وسايل
والرمّه موقف يبيها تجيله
عفرى وينعس جفن رفحا وحايل
ويجي لهامة نجد قصه طويله
والحب مابه عند عفرى جمايل
ياوالله اللي شوف عفرى جميله
وعفرى تقول أحلى بدون الجدايل
قولوا لعفرى تنقض (أم) الجديله