بعض الأغاني حزينة - عبدالمحسن بن سعيد
ياعنّها ماجت حياتي لو أقفيت
وش ينفع المجداف عقب السفينه
ياللي تتم اليوم عامك من أخطيت
وأنكرت من شالك بقلبه وعينه
إن كثرت البيبان لاتامن البيت
وأذكر ترى بعض الأغاني حزينه
ياشمع بلغ وردتي كم تمنيت
إن الشوارع تفهم أهل المدينه
واني غريب وكل ماقلت حنيت
تعلقت في رجل الإحساس طينه
يابنت وإن طعت الليالي ولا جيت
بعت المطر للغبم بيعة غبينه
وش عاد لو مره أنا أقول مليت
قبل انفجر مثل الجروح الدفينه
مرّه وفي نفسي مع العيد ياليت
يطري على السجان يعتق سجينه
وياعنّها ماجت حياتي لو أخفيت
اني مع المجداف خنت السفينه