الجهرا - علي الضوي

عن الجهرا صحت من بين أكوام الورق ذكرى
أبقراها حجبها الدمع ما خلاني أقراها

سؤالٍ ما نسيت إلا جوابه تذكر الجهرا
سؤال ردّني لارض توطى الوقت ذكراها

وانا ما أحب حكي الذكريات ونفسها القشرا
أخاف الحزن يلقى له عذر لا جبت طرياها

واخاف المس جروح الذاكره بعدين ما تبرى
يدور العمر أداريها وأدور أدوّر دواها

أنا مبطي قطفت اوراقي الصفرا مع الخضرا
من اول يوم عشته لآحر أمس وقلت ابنساها

ابنسى حزننا وهمومنا وأيامنا الغبرا
وابنسى فرحةٍ في غفلة الدنيا فرحناها

ابنسى نظرةٍ مثل السراب وضحكةٍ صفرا
وابنسى قلوب لا ضاق الوطن فينا سكناها

دخيلك يا خيالي كان بك حيل وتبي تقرا
ليا منّك وصلت لصفحة الجهراتعدّاها

أنا خبلة دموعي ما تعرف المزح بالذكرى
على ادنى شي يطري ذكرياتي جابت أقصاها

وأنا آسف كثر هذا الغلا والشوق يالجهرا
إذا مرّتني أوراقك وجبت الدمع يقراها..