مسج - فالح الدهمان الظفيري
وشلون ماحبك وأنا ميتن فيك
وان قلت أحبك ماتكفى أحبك
الله ياخذنى اذا يوم أخليك
الا اذا غيرى خذا يوم قلبك
شف كيف تزعلنى وشف كيف أراضيك
واقول ان الذنب ماهو بذنبك
أصد عنك والمشاعر تراعيك
والخافى أعظم من شعورى بحبك
مرات أسولف فيك مرات أغنيك
واتخيّلك شمعه بقلبى واشبّك
ياطول ليلى كان طالت لياليك
البعد بعدك واشهد القرب قربك
هذا مسج منى علشان ينبيك
انك أحب الناس وانى محبّك
لاتقفل الجوال ودى احاكيك
بقول ماتكفى اذا قلت أحبك