شاعر ٍ غنى - فهد دوحان
شاعر ٍغنى وضاقت حدود الارض فيه
سندبادٍ ممتلي حزن وعتاب وسفر
غورقت عينه ولا قال هذا الدمع ليه
ما سأل ما قال: يا طول ليلك يا سهر
الجفا ، والرمل ، والليل ، والبرد بيديه
والبحر ، والريح تحطب من ضلوعه شجر
والديار اللي تبيع الخريف وتشتريه
علّقت بعيونه الما وما كانت نهر
لا نبت عشبٍ ولا مال غصن الورد تيه
يا كثر ما مرت غيوم وياقل المطر
ليت تقراه الليالى وتتعرف عليه
ليلة ليله تشوف الثلاثين السمر
ما بقى داخل مناديلها غير الوجيه
يكبر من غيابها السّدر .. ويطيح الزهر
كان صوته يركض هناك وهناك ويتيه
فى زحامٍ واسعٍ ضيقٍ مثل العمر