كل شي - فهد دوحان
يا معلمتني كل شي
ياللي انتي اقرب من يدي
وابعد علي من كل شي !
من يوم غابت ضحكتك
ماظل فعيوني ضوا
ولا ظل بي غصن ندي
ولا ظل بين الناس حي !!
حاولت ادور لك شبيه
حاولت ...
لكني اتيه
أتيه
أتيه
وشلون ابلقى للزمن ثاني
او القى للشعر غيرك معاني
او أقول اني عرفت
بهالحياة أحد
له مثل قلبِك قلب
له مثل حزنِك حزْن
له مثل فرْحِك فرْح
له مثل مثلِك مثل
له مثل شكلِك شكل
له مثل ملحِك ملح
له مثل حربِك حرب
او مثل صلحِك صلح
وشلون ابلقى للزمن ثاني
او القى للشعر غيرك معاني
لو دريتي كيف هالدنيا تكون
وكيف ماتصبح حياتي هي حياتي
او مكاني هو مكاني
في غيابك شي غريب
شي لايمكن يكون الا :
رهيب
شي مثل ماتلمس عيونك
صور احباب
وذكرى من غياب
وترجع للظلام
المنطفي
وحدك غريب
وحدك تفتش في زمانك
عن قريب ..
وفجيوب قلبك عن حبيب !!