جدران على كتابة !! - فهد عافت
يقدر الجمهور يحكي عن دفا الصالة أماكنها المريحة
وحده " البلياتشو" يعرف عن البرد (ف) خشب هذي الكراسي
في نهاية كل عرض (ف) آخر آخر كل ليلة:تستبيحه
عزلة تآخذ من ألاسمنت:طعم من المسا: لحم نحاسي
آتمرا أكتشف كم بعت وجهي للمساحيق القبيحة
آتعرى : ماسوى اللاشي واللاضي والخزي ويباسي
وحشة ملسا رخام بارد صلد يتناسل من فحيحه
ألف نرد يسرد الخذلان لين يفيض بالغسلين: كاسي
أول الليل: أفضح الستر آخر الليل: آتستر بالفضيحة
كل ما قلت:" أنت كاسي يا أنبهار الكل بي" صرت" أنتكاسي"
يصبح الصبح أعرف أني لا قدرت أسكت ولا فاضت قرحيه
يليل الليل أعرف أني لازم أبهرهم أنا نجم الأماسي"
بس أنا الليله: حزين ومنطفي مسدل وخطواتي كسيحه
البلياتشو" في المسرح المسفوك: تنكيت ومآسي
إيه أنا الليلة: حزين ومنطفي منسدل وخطواتي كسيحه
في الجمهور هذا الأبلة اللي أنشدلي وأفتر حماسي
حيل أنا الليله: حزين ومنطفي مسدل وخطواتي كسيحه
في الصالة في حبل الميكرفون الرخو في صعوبة مراسي
رانيا" هي لثغة لسان الطفل ب الرا خطا ولا صحيحة
أجهل الأشيا وأعرف أني أحبك حيل وإنك كل ناسي
رانيا" هذا الفضا: ضيق وأنا: نذر العصافير الفسيحه
إن قدرتي خلك الليله معي تكفين هذا البرد قاسي
"رانيا" مالك شبيه إلا الوطن مالي نقيض إلا النصيحة
زمليني بالهبوب دثري أصابعك في شعر راسي