بعض نبض - فهد عافت
( 1 )
بعيونها مسحة حول ياحلاها
حور واغايضها واقول الحول فيك
والمشكله تدرون عيونها وش بلاها
من زينها هذي تبي مشاهدة ذيك
( 2 )
نادت مشاري صاحوا الخلق لبيه
من زينها كل الخلايق من مشاري
( 3 )
ولد يتشعبط الجدران حافي ماعليه نعال
عشان بنية عفريتة مغرورة ترفه
كبر وهي اكبرت واللي مضى سموه لعب عيال
نساها ونسته مافيهم اللي بر في حلفه
كتب شيٍ وظن انه طريف وقال اقول : وقال
تعجب كيف هلت دمعة اصحابه من الطرفه
عرف درب القصيد وجمع الدنيا في حبة خال
وقال ان القمر تلميذه وان السما شرفه
( 4 )
عادي حصل لي قبل هذا كثير وصفحت
ياما سوالف مضت مابينه وبيني
ياما لفاني العذر ضيف كريم وذبحت
له الزعل وان تعشى من شراييني
المشكل اني قبل لامن صفحت استرحت
لكن في هذي سماحي غصب عن عيني
( 5 )
لي ديرة لو جمع صدقي على كذبي
في وصفها مابلغ من وصفها كيله
اللي طعني صديق واقف جنبي
لاذكر شتمته ولااذكر جيته بعيله
( 6 )
ياقميص وبنطلون اليوم الاول للدراسة
يا"تحية العلم"
يامع "حمد قلم"
يا"لئلا في قريش وقل هو الله احد "
كانت الجهرا عشيش وكا ن في الجهرا بلد
( 7 )
يافاطمه !
خلي الضيا خافت
يمكن فهد عافت ..