يومين - فيصل اللويش
أي وأي والله بمشي قلتها لك من سنين
مادام كل شي بيننا هواش بهواش
ماعدت أنا أتحمل هواشك وتدرين
وشلون قلبي من تعرفت بك عاش
مشيت لك غلطات واجد وتخطين
تقل الخطأ عرض ٍ مع السالفه داش
كل الحبايب لو عطوا جرحهم دين
ألا أنتي جرحك (حاضر بحاضر ) وكاش
ويني أنا والحب وينه وأنا وين
كنت أحسبه شيٍ يسلي وببلاش
قلت أتسلى وأنشغل فيه يومين
من يوم جربته وأنا حالتي ماش
لازاد ذقته ... أو تهنيت به زين
لانوم وأصلاً ... ناسيٍ كلمة فراش
من يوم ماحبيت مانامت العين
كن الغلا طفل سرق شى وانحاش