مقتطفات شعرية - متعب التركي
(1)
أحلى سنين العمر راحت هدايا
لك يامجازي بالردى راعي الطيب
لي في حياتك ذكريات وخفايا
تبقى ولو باكر غزا راسك الشيب
والا الوفاء ماله بقلبك بقايا
عند الذي مثلك أضن الوفاء عيب
(2)
كان قصدك من الهجران ود وتسلي
يقصر الدرب لو ظنيت دربك طويل
وكان قصدك تبي تشوف انكساري ذلي
يفنى العمر ماتفرح بشوفي ذليل
(3)
بالهون عطني لو دقايق بوادعك
خل الوداع برغبتي واختياري
مبطي وأنا شايف جفاك وتسرعك
ياطول بالي يوم أشوف انتظاري
اتبع هواك وروح ماني بمانعك
دام أنت عبد لكل نزوه وطاري
(4)
البسي لك ثوب غير اللي عليك
من لبس ثوب الغرور أكبر غبي
تحسبين الناس خاتم في يديك
من متى والعاطفه توخذ سبي
فزلك قلبي وأنا قمت أحتريك
والكريم يصير لضيوفه حبي