يامن يودى من محب سلامه - محسن الهزاني
يامن يودى من محب سلامه
وتحية ممزوجة بالملامة
لحبيب صد عنى علامه
هو مجْنف أو هو على العهد مازام
سمعت بحكى الزور ملعونة الشيب
بينى وبين اصويحبى فايح الجيب
طلبت أنا اللى يعلم الغيب
يجعل اوشات العجز توخذ بالاقدام
من هجر من لاعنه اقوى امتناعى
واوجس على كبدى رصاص يماعى
واصبحت لانى بنيم ولا نى بواعى
بين الخليل وبين زلاف الايام
يازين تنسى يوم أنا وياك بالغى
ومعاهدى وياك في مكسر الغى
إن كان مستلجى لغيرى من الحي
لامى عليك ابعد من الهند والشام
لا والذى يعلم مخارج الانفاس
كان انت مستلجى لغيرى من الناس
لا اقطع مقاديم الرجا منك بالياس
وانقض عهود الحب من بعد الابرام
يامن عليه امن الجوازى تهايا
قم بالرضا يا جوهرى الثنايا
ما دام في قلبى لحبك بقايا
والا تراى السلم الوصل كصّام
يامن كما بدرية الصبح خده
عليك ماقبلى حد باح سده
إلا ولا مثلك بدار الموده
مثلك جلس عنده خليله ولا قام
غديت واغوتك العلوم الردية
واخدمت لك كنك جدا والديه
واليوم يا غادى الجدا برت فيه
غاد جداك وبعت لا ماك بعصام
أودعتنى شروا الدلى الذباذب
لا بين مياح ولا بين جاذب
ياما اتواعدنى تجى وانت كاذب
والكذب مذموم وراعيه نجام
والله يا سلطان خمص المكالى
ولو ضحك سنك وزان الحكالى
لو باعنى مديت حبل الرجا لى
إنى بنوك عارف به من العام
أراك ياغادى الجدا والعنايه
أجزيك بالحسنى وتجزى بسيّه
أحسبك ما تتبع هوى الا هوايه
ولا تغيرك الليالى والايام