يامشرف المرقاب - محمد الأحمد السديري
هذه القصيدة موجّهة الى المرحوم : نمر بن صنت
يامشرف المرقاب خلـه لمشطون
حـول وخل مولـع القلـب يرقا
خلـه لمشطون ٍتزايـد بـه طعـون
على عشـير ٍ زود الهجـر فرقا
كبدي من الغالي بها تسعة طعون
والعاشره يانمـر بالقلـب زرقا
طفـل ٍ يتـل القلـب تل ٍ بلاهـون
يسبى الفؤاد ويسرق الحال سرقا
محد ٍ عشق مثله من الحضر وظعون
وشمـر وعنـاز ٍ و روق ٍ وبرقا
سهـرت يوم ٍ الخـلايق ينـامـون
ويزيـد نوحي كل ماناح ورقا
ياسفلي اللي للهـواء مايعرفون
(يانمـر) شلاني من الدمع غرقا