أجمل أحبابي - محمد الحويماني
البارح القلب يكتب والسهر يقرا
والليل دفتر عجز يستوعب عتابي
قلت انقض الجرح واجعل سيرته مسرى
مليت اروح بقصيدٍ مابعد جاء بي
حنيت لك يالغرام العذب وانت ادرى
ياأغلى وأجمل واعز واطهر احبابي
يامرحبا وان لفيت وصادفك غدرا
عزاي بانك تميزني عن القابي
من غبت والناس كن نفوسها قشرا
أشواهم اللي كسر روحي وهلابي
الجرح يبرى لو ان الوقت مايبرى
شف وقتي اللي خذلني ويش سوى بي
ماقلت لك بأجعل من السالفه مسرى
لك يالقصيد الصدوق رضاي وإعجابي
أكتبك سيل(ن) يجي له فالورق مجرى
واذا كتبتك نبت فالطرس غيّابي
تدري بلاش اكتبك والناس ماتقرا
يكفيني انك مقربني من أحبابي