تكلم وأكسر جدار السكوت - محمد الحويماني
تكلم وأكسر جدار السكوت وخلنا ننشاف
تكلم وانت وجهي في عيون الناس وأوصافي
تكلم لا يردك سجن وزن ولا يحدك قاف
ولاتخشى من بحور الخليل ومعك مجدافي
تكلم كلها خطوة قلم وتقول يالانصاف
( وراك أبعدت عني مابغيت ألقاك ياجافي )
(انا ودي)(وأنا ودي بعد)(وأخاف)(ليه تخاف؟؟)
اخاف أن الكلام يبور بي مابر ميقافي
أنا ماودي أسكت بس أحس ان الحروف نحاف
وأنا (حملي) ثقيل ودرب (حلمي) وعر ياوافي
سواة(الحادي) اللي ساق ذوده والسنين عجاف
على البيدا ولا ش الا الظما والجوع والسافي