بريدة - محمد الحويماني
وأنا هنا ماأحسد سهيل اليماني
على السماء وغيومها اللي بها غاب
ماأقول رحت أقول جيت لمكاني
أنا هنا مابين خلان وأصحاب
أهل القصيم اللي كرمهم دعاني
ولبيت له مالنت لظروف وصعاب
ولا القصيد اذا بغيته عصاني
حول الشهر لا الشعر ودى ولا جاب
الا على ذكر القصيم إن لفاني
فتحت لضيوف القصايد مية باب
ذكره مطر وسم وزهى به لساني
وأنبت على قفر الحكي ورد واعشاب
وأهله هل التقوى طوال اليماني
أطهر قلوب /أطول لحى /وأقصر ثياب
يابريده وتملى صدور المعاني
خمسة حروف إسمك رضا/حب /وإعجاب
فتحت لك باب الغلا فالمحاني
وأنتي بسطتي للوله فيني ( رحاب )
قولي لهم ماعاد أبي شيء ثاني
غيرك مدام انتي وأنا مثل الأحباب
وأنا هنا ماأحسد سهيل اليماني
على السماء وغيومها اللي بها غاب
أرضك سماء وغيومها من مباني
وأهلك مطرها والشوارع له شعاب