الضيف - محمد الحويماني
الشعر وينه ؟مبطي الشعر ماشيف
ولا أنسمع خلك من فلان غنا
خلك من كبار الحكي والسواليف
اللي قصايدهم (فعلنا ) و ( حنا)
اللي غدو بالشعر من زيف في زيف
حسبي على (بعض ) الكفوف إن حدنا
المقبلين اللي بحسبة مناكيف
القاربين اللي بعيدين عنا
الشعر مثل الضيف عند العواريف
كلٍ على مده ( حداده) تحنا
أحدٍ (شحم) وأحدٍ (عظام وغظاريف)
وأحدٍ تعنى ضيفه ليا تعنى
سبحان من بامره تزول الصودايف
وشلون صرنا بعد وشلون كنا
قل للذي يحسب (صياحه) على الكيف
ترى صياحه سرنا ما شحنا
إن عودت (للشعر) و(الجود)و(السيف)
الشمس تنطق (كفو) لا قلت ( حنا)